سابق کرکٹر وقاریونس کا سوشل میڈیا چھوڑنے کا اعلان

لاہور: قومی کرکٹ ٹیم کے باؤلنگ کوچ وقار یونس نے سوشل میڈیا چھوڑنے کا اعلان کردیا۔
اپنے ٹوئٹر اکاؤنٹس پر جاری ویڈیو بیان میں سابق فاسٹ باولروقار یونس نے کہا ہے کہ مجھے اپنی فیملی زیادہ عزیزہے اس لیے آئندہ سوشل میڈیا استعمال نہ کرنے کا اعلان کر رہا ہوں۔ قومی کرکٹ ٹیم کے باؤلنگ کوچ نے بتایا’ میں صبح اٹھا تو پتا چلا میرے اکاؤنٹ سے انتہائی نازیبا ویڈیو کو لائیک کیا گیا ہے‘۔

pic.twitter.com/cl8iZFykVC— Waqar Younis (@waqyounis99) May 29, 2020

ان کا کہنا تھا کہ میرے اورمیری فیملی کیلئے بڑی افسوسناک، تکلیف دہ اورشرمناک بات ہے۔ انہوں نے بتایا کہ میرا سوشل میڈیا اکاوَنٹ پہلے بھی ہیک کیا گیا تھا۔ باؤلنگ کوچ نے کہا کہ وہ اکاؤنٹ ہیک ہونے پر سوشل میڈیا چھوڑنے کا اعلان کررہے ہیں۔
ٹوئٹر پر اپ لوڈ کی گئی اپنی آخری ویڈیو میں وقار یونس نے بتایا کہ’ کسی نے پہلے بھی میرا اکاؤنٹ ہیک کیا تھا اور مجھے لگتا ہے کہ یہ انسان باز نہیں آئے گا، لہذا میں نے سوشل میڈیا کو چھوڑنے کا فیصلہ کیا ہے‘۔ وقار یونس کے ٹوئٹر پر دس لاکھ 17 ہزار سے زائد فالورز ہیں اور ان کا اکاؤنٹ تصدیق شدہ ہے۔

شاید آپ یہ بھی پسند کریں

جواب چھوڑیں

آپ کا ای میل ایڈریس شائع نہیں کیا جائے گا.